अंतिम विकल्प न्यूज़ की पहली गढ़वाली समाचार गढ़वाली भाषा में
पौड़ी गढ़वाल : रिखणिखाऴ विकास खंड कु तैड़्य गांव अर नैणिडांड कु पांड गौं वन विभाग क फेर म विकास अर विस्थापन कु ग्रहण सै खालि हूणकि कगार पर ऐगै।गौं क रैबासि अर क्षेत्र पंचायत सदस्य कर्तिया बिनीता ध्यानि कु ब्वलुणु च कि सन्1994धारा झिरना कोठिरौ क तर्ज पर विस्थापन क वास्ता वन विभाग ल पहल कैरि, बाद म मुकरि गैं।संघर्ष समिति के अध्यक्ष डॉ अम्बिका प्रसाद ध्यानी क अनुसार गौं क विकास क वास्ता सड़क कि मांग पीएमओ,वन मंत्री,राज्य सभा सांसद माननीय अनिल बलूनी,क्षेत्रीय विधायक,चीफ वन एवं वन्य जीव प्रतिपालक देरादूण,करे गै।जैफर कि डीएफओ कालागढ़ टाइगर रिजर्व स्तर सै प्रस्ताव शासन कु भ्यजैगे।आज कि स्थिति कि गौं म मात्र चालीस परिवार रैंणा छन् जबकि पांड गौं केवल एक आदिम शिवनारायण क सार सुसगरा भ्वरणूंच। वन विभाग ल आम बैठक म सहमति मंगणक बाद तैड़्य वऴौं कु विस्थापन पर बैठक शासन सरकार क बीच 2016 भटै अपुणु निर्णय नि दे,जैकु कारण न विकास ह्वै न विस्थापन। लगभग 56हेक्टेअर भूभाग म बस्यूं तैड़्य म एक सौ पंद्रह भूमिधर अर 50हेक्टेयर 70भूमिधरोंकु पांड गौं लैंटाना अर रौदड़्या क झेलौंल अछप हुयां छैं,ग्राम सभा स्तर से ब्लाक जिला योजना क्वी बि यख विकास काम नि ह्वै।
– इन्द्र जीत सिंह असवाल की रिपोर्ट